بسمتى ( اهداء الى جار متغيب عن جيران هذه الايام وربنا يجيبه بالسلامه )

بسمتى

من مده

ما سمعت بيها
تعرفيها ؟

من شويه

لو جيتى
كنت هتشوفيها
كنت
سمعتى ضحكتى
كنت عرفت
اد ايه
الفرح فيها
كنت عرفتى
اد ايه
عايش سعيد

كان

كل يوم
يمر بيا
احسه عيد
كنت تعالى
قبل ما
يضيع الامان
كنت لاقيتى
فى نظرتى
كل التحدى
للزمان
والمكان
كنت لاقيتى
فى نظرتى
كل الحقيقه
كنت عرفتى
اد ايه
الكدب عنى
اراضيه بعيده
كنت وكنت
كنت
سمعتى كلمتى
الصادقه
صافيه وبريئه
وكمان جريئه
كنت فاكر
بالاراده
مفيش محال
كنت فاكر
بالاراده
اهد الجبال
كنت فاكر
واكتشفت
انه كان
حلم سازج
وهم خايب
ومجرد خيال
كنت تعالى
قبل
ما تضيع الحقيقه
وتندفن
فى بحور غريقه
ويملى
الكدب والخداع والغش
ارجاء المكان
كنت تعالى
قبل ما يضيع
من حياتنا الحب
ويتوه الحنان
ويبقى
كل ما بينا
هاندفع اد ايه
وبنساوى كام
من اد ايه ؟
زمن بعيد ؟
لا مش بعيد
من عمر طفل
لساه
مايعرف الكلام
لساه
بيبكى الجوع
وما عرف
غدر الزمان

من عمر دميه
فى ايد
صبيه صغيره
ماسكاها بحنان
لسه اها
ما عرفت
طريقها للمرايه
كل
ثروة فكرها
ماما العروسه
عايزه تشرب
عايزه تاكل
شبعت خلاص
عايزه تنام
كنت تعالى
قبل ما
يضيع الطريق
قبل ما تغيب
عن دنيتى
شمس الصديق
ابقى تعالى
لما يرجع
هتلاقى
كل شيئ
فى دنيتى
لبس الجديد
وارتسمت البسمه
على الوجه
السعيد
بعودته
كل شيئ
يرجع لاصله
واتولد انا تانى
من جديد
يارب يرجع
بالف سلامه
فقدومه عيد